Home देश /विदेश ३० लाखांची ब्रा, दिल्ली विमानतळावर महिलेस अटक

३० लाखांची ब्रा, दिल्ली विमानतळावर महिलेस अटक

1022
0

नवी दिल्ली, प्रजामंच,26/09/2019

ब्रामधून ३० लाख रुपयांचे सोने आणणाऱ्या एका महिलेला दिल्लीच्या इंदिरा गांधी आंतरराष्ट्रीय विमानतळावर कस्टम विभागाने पकडले. ही महिला मॉस्कोहून आली होती. या महिलेने ब्रामधील इलास्टिक असलेल्या जागेवर सोन्याच्या चार तारा बसवल्या होत्या. यासोबतच तिच्या इतर कपड्यांमध्ये सोन्याची ४ बिस्किटं देखील होती. सोन्याच्या तस्करी प्रकरणी महिलेला अटक करण्यात आले.

कस्टम अधिकाऱ्यांना या महिलेवर संशय आला होता. या महिलेने दिल्ली विमानतळावर ग्रीन चॅनल पार केल्यानंतर कस्टम अधिकाऱ्यांना तिचा संशय आलाय त्यानंतर अधिकाऱ्यांनी तिच्या सामानाची तपासणी केली. त्यानंतर हा प्रकार उघड झाला.

ब्राच्या आत होत्या सोन्याच्या ४ तारा, ६ बिस्किटे

ब्राची व्यवस्थित तपासणी केल्यानंतर कस्टम अधिकाऱ्यांना ब्राच्या आत सोन्याच्या ४ तारा आढळल्या. या बरोबरच इतर कपड्यांमध्ये सोन्याची ६ बिस्किटेही लपवलेली आढळली. एकूण सोन्याचे वजन ७९४ ग्राम भरले. कसून तपासणी केल्यानंतर पुढील कारवाई करत कस्टम अधिकाऱ्यांनी कस्टम कायद्याच्या कलम ११० अंतर्गत सोने जप्त केले.